អន្តរជាតិ៖ ប្រធានាធិបតីអ៊ុយក្រែន លោក Volodymyr Zelenskiy នៅថ្ងៃព្រហស្បតិ៍ ទី២៤ ខែកុម្ភៈ បានអំពាវនាវដល់ពលរដ្ឋទាំងអស់ដែលត្រៀមខ្លួនការពារប្រទេសពីកងកម្លាំងរុស្ស៊ី ដោយនិយាយថារដ្ឋាភិបាលនឹងចែកអាវុធដល់មនុស្សគ្រប់គ្នាដែលចង់បាន។

បច្ចុប្បន្នកងកម្លាំងប្រដាប់អាវុធអ៊ុយក្រែនកំពុងប្រយុទ្ធគ្នានៅ Donbass និងតំបន់ផ្សេងទៀត ខាងកើត ខាងជើង ខាងត្បូង។

លោកប្រធានាធិបតីបានបញ្ជាក់ថា សត្រូវបានធ្វើឲ្យទាហានរបួសតាំងពីព្រឹកថ្ងៃព្រហស្បតិ៍ ហើយនៅតាមមន្ទីរពេទ្យកំពុងកន្លែងត្រូវការឈាមជាបន្ទាន់។ គាត់បានអង្វរ និងបានស្នើឱ្យពលរដ្ឋចូលរួម និងក្លាយជាអ្នកបរិច្ចាគឈាមសម្រាប់ទាហានអ៊ុយក្រែន។

រុស្សីបានបើកការវាយប្រហារទាំងស្រុងលើអ៊ុយក្រែនតាមផ្លូវគោក ផ្លូវអាកាស និងផ្លូវសមុទ្រកាលពីថ្ងៃព្រហស្បតិ៍ ដែលជាការវាយប្រហារដ៏ធំបំផុតដោយរដ្ឋមួយប្រឆាំងនឹងមួយផ្សេងទៀតនៅអឺរ៉ុបចាប់តាំងពីសង្គ្រាមលោកលើកទីពីរ និងការបញ្ជាក់ពីការភ័យខ្លាចដ៏អាក្រក់បំផុតរបស់បស្ចឹមប្រទេស៕